Dalka Koonfur Afrika ayaa loo dhisay Gole Wasiiro cusub,maalmo un kadib markii Madaxweyne Zuma uu xilkii ka dagey taasi oo muujinaysa isbedelada dhanka siyaasadda ee kajira dalkaasi.
Cyril Ramaphosa oo ah Madaxweynaha cusub ee dalka Koonfur Afrika ayaa magacaabay golahiisa cusub ee wasiirada, toban maalmood uun kaddib amrkii uu xukunka dalka kala wareegay Jacob Zuma.
Madaxweyne Cyril Ramaphosa ayaa Wasiirkii hore ee maaliyadda Nhlanhla Nene oo kal hore uu xilka ka qaaday madaxweyne Jacob Zuma ayaa hadda mar kale xilkaasi dib ugu soo magacaabay.
Wararka ayaa sheegay in Dhawr wasiir oo hore oo daacad u ahaa madaxweynihii hore Jacob Zuma ayaa qaarna xilka laga qaaday qaarna loo dhiibay xilal ka daraja hooseeya kuwii ay markii hore hayeen.
Hoggaamiyaha cusub ee Dalka Koonfur Africa Ramaphosa ayaa sheegay in uu doonayo in uu isu dheeli tiro baahida loo qabo in shaqada dwoladda ay sii socoto iyo in dib loo soo cusbooneysiiyo kabashada dhaqaalaha dalkaasi Koonfur Afrika.
In muddo ah waxaa ka taagnaa dalkaasi Koonfur Afrika Jahwareer siyaasadeed,taasi oo keentay in ugu dambeyntii uu xilka baneeyo madaxweynihii hore ee Dalkaasi Jacom Zuma oo dhawaan is casilay.
