Madaxweyne Turkiga Erdogan ayaa sarkaal sare oo ka mid ah militariga Mareykanka ku eedeeyay in uu la jiro dadkii isku deyay inay dowladda afgembiyaan, laba todobaad ka hor.
Eedeeynta Mr Erdogan, waxa ay ku wajahantahay Janaraal Joseph Votel oo ah sarkaalka ugu sarreeya ciidamada Mareykanka ee gobolka.
Sarkaalkaas ayaa sheegay in shaqa ka eryidda ciidamada Turkiga kadib afgembigii dhicisoobay uu wax u dhimayo wada shaqeynta militariga.
Madaxweyne Recep Tayyip Erdogan ayaa hadal ka jeediyay Ankara waxa uu ku sheegay in dalalka cambaareynaya howlgalka maamulkiisa, looga baahan yahay inay ku bogaadiyaan Turkiga sida uu uga hortagay afagembiga.
Raโiisul wasaaraha Turkiga Binali Yildirim oo la hadlay taageerayaasha dowladda waxa uu sheegay inuu amray in la xiro saldhigyada ay ka mid ahaayeen ciidamada ka qeybgalay afgembiga.
Dhanka kale 21 weriyayaal ah ayaa la horkeeyay maxkamad ku taalla Istanbul, taas oo qeyb ka ah howlgalka ka dhashay afgembigii dhicisoobay ee laba todobaad ka hor dalkaasi ka dhacay.
