Madaxweyne ku xigeenka Galmudug iyo wafdi uu hoggaaminayo ayaa maanta booqday degmada Balanbal ee gobolka Galgaduud halkaasoo si diirran loogu dhaweeyay.
Wafdiga uu hoggaaminayo madaxweyne ku xigeenka Dawlad Goboleedka Galmudug Mudane Maxamed Xaashi Cabdi ayaa waxaa ka mid ahaa xubno ka tirsan maamulka Dawlada Galmudug oo iskugu jira wasiiro iyo xildhibaano, siyaasiyiin iyo wax garad.
Waftiagaan ayaa marka ay magaalada Balanbale gaareen waxaa ka hor tagay inta badan bulshada dagmada Balanbale, iyaga oo caleema qoyan u ruxaya kuna dhawaaqaya erayo aay Galmudug ku taageerayaan.
Gudoomiyaha dagmada Balanbale ayaa halkaasi ku soo dhaweeyay wafdiga uu madaxweyne ku xigeenku uu hor kacayo Sidoo kale wasiirka arimaha gudaha maamulka Galmudug Jaamac Salaad ayaa sheegay in maalmaha soo socda ay maamul cusub ugu dhawaaqi doonan dagmada Balanbale.
Ugu danbeyntii madaxweyne ku xigeenka maamulka Galmudug Maxamad Xaashi Cabdi ayaa sheegay in uu ku faraxsan yahay booqashada uu maanta ku tagay Balanbale.
