Wafdigan uu hogaaminayay Madaxwayne ku-xigeenka Dowlada Goboleedka Galmudug Mudane Maxamed Xaashi Cabdi oo safar dhinaca dhulka ah maanta ku gaaray Degmada Caabudwaaq ayaa si diiran loogu soo dhaweeyay magaalada, iyadoo ay socdaalkiisu ay ku wehliyeen Wasiiro, Xildhibaanno iyo Saraakiil ka tirsan dawlad Goboleedka Galmudug.
Maamulka Degmada iyo Mas’uuliyiin ka tirsan Dawlada Galmudug oo horey howlo shaqo u joogay Degmada ayaa ka qayb qaatay soo dhaweynta wafdiga.
Guddoomiyaha Degmada Caabudwaaq Cabdirisaaq Xasan Cawl oo ka hadlay madasha Madaxweyne Ku-xigeenka Galmudug loogu tala galay inuu kula hadlo bulshada ayaa ku soo dhaweeyay wafdiga, waxaana uu sheegay in la doonayo in Galmudug laga doonayo waxqabad muuqda.
Wasiirka Wasaaradda Arimaha gudaha iyo Dawladaha Hoose Mudane Jaamac Xasan Salaad oo ka mid ahaa xubnaha Galmudug ee Safarka ku wehliyay Madaxweyne ku-xigeenka ayaa sheegay in qorshaha socdaalkoodu uu yahay waxqabad.
Madaxwane ku-xigeenka Galmudug ayaa markii uu soo gaaray goobtii loogu tala galay inuu bulshada kula hadlo waxaa uu sheegay in socdaalkooda uu la xariiro ka qayb qaadashada horumarka iyo Dadaalada ay dawlada Galmudug ka wado degmada Caabudwaaq.
Cabdikariin axmed Bulxan Caabudwaaq
