Madaxweyne Ku-xigeenka Dowladda Jubbaland Mudane Maxamuud Sayid Aadan ayaa maanta Aqalka Martida ee Magaalada Kismaayo kulan kula qaatay ku xigeenka Hay’adda UNOCHA, Cindy Issac,isagoo kala hadlay xaaladaha ku saabsan abaaraha ka jirta deegaanada Jubbaland.
Madaxweyne ku-xigeenka waxaa kulanka ku wehliyay Wasiirka Wasaaradda Gargaarka iyo Maareenta Masiiboyinka Dowlad Jubbaland Mudane Cabdiraxmaan Cabdi Axmed.
Maxaxweynaha ayaa u gudbiyay Mas’uuliyiinta Hay’adda UNOCHA warbixinno ku saabsan saameynta abaaraha,isagoo ugu baaqay in ay gacan ka geystaan sidii loogu gurman lahaa dadka ay abaaraha saameeyeen.
Cabdiraxmaan Cabdi Axmed, Wasiirka Wasaaradda Gargaarka iyo Maareenta Masiibooyinka dowlad Jubbaland ayaa markuu kulanka soo idlaaday warbahinta la hadlay, isagoo sheegay in wafdiga ay uga warbixiyeen xaaldaha abaaraha ka jira Jubbaland islamarkaana ay isla garteen sidii la isaga kaashan lahaa gurmad deg-deg ah oo la gaarsiiyo dadka ay saameysay abaarta.
