Madaxweyne ku xigeenka koobaad ee Dowlad Goboleedka Jubbaland Mudane Maxamuud Sayid Aadan ayaa maanta gaaray degmada Doolow ee gobolka Gedo.
Mas’uuliyiinta Maamulka heer gobol, heer degmo iyo dadweyne kala duwan ayaa wafdiga Madaxweyne ku xigeenka kusoo dhaweeyay Magaalada Doolow.
Wafdiga Madaxweyne ku xigeenka Jubbaland ayaa ka kooban Xildhibaanno, Wasiiro ka tirsan Xukuumada iyo qeybaha kala duwan ee bulshada iyadoo uu Madaxweyne ku xigeenku kulamo la qaadan doono qeybaha kala duwan ee bulshada deegaanka inta uu ku sugan yahay gobolka Gedo.
