Wasiirka Qorsheynta, Maalgashiga iyo Horumarinta Dhaqaalaha Soomaaliya, Mudane Maxamuud Cabdiraxmaan Sheekh Faarax (Beenebeene) ayaa kulamo miro dhal ah kula qaatay magaalada Jabuuti qaar ka mid ah Wasiirada Xukuumadda, gaar ahaan Wasiirada ka shaqeeya qeybaha wax soo saarka iyo Horumarinta Arimaha bulshada sida, Wasiirka Beeraha, Kalluunka iyo Biyaha, Mudane . Mohamed A. Awale (Soomaali), Agaasimaha Guud ee Wakaaladda Horumarinta Jabuuti, Mudane Mahdi Mohamed Djama. Iyo Xoghayaha Joohtada ee Wasaaradda Adeega Bulshada.
Kulamada oo gooni gooni ahaa ayaa diiradda lagu saaray qodobo dhawr ah kuwaasoo taabanaya sidii loo kordhin lahaa wax-soo saarka iyo horumarinta arimaha bulshada, iyadoo dhinacyada ay isweydaarsadeen waaya-aragnimo iyo caqabadihii uu mid waliba la kulmay.
Wasiir Beenebeene ayaa uga mahadceliyay dhammaan Wasiiradii uu la kulmay iyo Agaasimaha Guud ee Wakaaladda Horumarinta, Mudane Mahdi Djama soo dhaweynta diiran ay u fidiyeen isaga iyo wafdigiisa.
