Wasiirka beeraha maamulka Koonfur galbeed Ee Soomaaliya Maxamed Xasan Faqi oo la hadlay Radio Muqdisho ayaa faah faahin ka bixiyay Howlgalo Ciidamada Ammaanka ay ka sameeyeen Magaalada Beydhabo iyo deegaannada ku dhow ee Xarunta Gobolka Baay.
Madaxweyne ku xigeenka Maamulka Koonfur galbeed Ee Soomaaliya ayaa sheegay in howlgalada ay ku soo qab qabteen hub ay lahaayeen maleeshiyaadka isku biirsaday gumaadka umadda Soomaaliyeed ee UGUS ay ka dambeysay xogo dadka shacabka ah ay ka heleen kaddib lagu soo qabtay hubkaasi.
“Howlgalka ammaanka ayaan ku xaqiijinaynay ciidamada Boliiska ayaana soo qabtay hubkaasi oo laga soo qabtay duleedka magaalada Beydhabo, waxaana hubkaasi uu isugu jiray kuwa fudud iyo kuwa culus, howlgalkaasina waxa uu u dhacay sidii loogu talo galay” Ayuu Radio Muqdisho u sheegay Maxamed Xasan Fiqi.
Ciidamada Dowladda Soomaaliya ayaa howlgalo kale duwan ka sameeya Magaalada Beydhabo ee xarunta Gobalka Bay iyo deegaannada kale ee gobolkaasi halkaasi oo muddooyinkii dambe ammaankeedu uu ahaa mid wanaagsan.
