Madaxweynaha Dalka Jabuuti Ismaaciil Cumar Geelle ayaa xafiiskiisa ku qaabilay wafdi uu hogaaminayay Madaxweyne ku-xigeenka Maamulka Puntland Cabdixakiim Cabdullaahi Xaaji Cumar Camey
Kulanka waxaa kaloo ka qeyb-galay Wasiirka Ganacsiga iyo Warshadaha Puntland Maxamuud Xasan Soocade, Wakiilka Puntland ee Djabuuti Saciid Mahdi Cabdi, la taliyaha Madaxweynaha Maamulka Puntland Cali Cabdi Awaare, xiriiriyaha xafiiska Madaxweynaha Puntland ee arrimaha macdanta Cabdicaziiz Maxamuud Cali (Xaaji Sayn) iyo mas’uuliyiin kale, waxaana ay ka wada hadleen arrimo badan ku saabsan dhanka horumarka iyo kor u qaadista xiriirka Ganacsi.
C/xakiim C/llaahi Xaaji Cumar Camey ayaa sidoo kale madaxda Dowladda Jabuuti ku ammaanay taageerada kala duwan ee ay Soomaaliya u fidiyaan sida sugida amniga qeybo ka mid ah Gobolada dalka Soomaaliya.
