Madaxweyne ku xigeenka Dawladd Goboleedka Puntland ahna ku simaha Madaxweynaha Eng. Cabdixakiin Xaaji Cabdulaahi Cumar Camey ayaa saaka subax nimadii 24, May, 2017, qasriga Madaxtooyada Garoowe ku qaabilay madaxa xafiiska UNOCHA ee Soomaaliya Mr. Justin Brady oo uu wehelinayo madaxa xafiiska UNOCHA eeΒ Puntland Mr. Francis Lenoh.
Kusimaha Madaxweynaha iyo madaxda ka socotey hayβadda UNOCHA ayaa waxa ay kawada hadleen wadashaqayntii wanaagsanayd ee dhex martay Dawladd Goboleedka Puntland iyo hayβadda UNOCHA xiligi abaaraha baaxadale ay ka jireen Puntland.
Related posts
Madaxweyne kuxigeenka Dawladd Goboleedka Puntland ayaa ku amaanay hayβadda UNOCHA doorkii wanaagsanaa ee ay ka qaateen gurmadka loo fidinaayey dadka Soomaaliyeed ee abaartu saamaysay xiliyadii adkaa ee abaartu ka jirtey degaanada Puntland, waxaana uu xaqiijiyey in hayβadda UNOCHA ay ka mid tahay hayβaddaha ugu wax qabadka wanaagsan ee ka hawl gala Soomaaliya.
Dhinnaca kale kusimaha Madaxweynaha ayaa ku booriyey masuuliyiinta hayβadda UNOCHA inay sii dardar geliyaan shaqooyinkaΒ baaxadale ee xafiiskoodu ku hawlan yahay, waxaana uu xusay in ay iminka taagan tahay samata bixinta dad badan oo ay wax yeelo u gaysteen roobabka lixaad kale ee ka daβya degaanada Puntland kuwaas oo u baahan huβ, maalayn, xoolayn iyo gargaar bini aadantinimo iyo sidoo kale dadka xoolo dhaqatada ah ee kusoo hayaamay Puntland xiligii abaarta dib u celintooda.
Mr. Justin Brady madaxa xafiiska UNOCHA ee Soomaaliya ayaa dhankiisa ku dheeraday muhiimada ay u leedahay tageerida iyo gacan qabashada dadka dhibaataysan ee reer Puntland, isagoona xaqiijiyey inay markasta diyaar u yihiin ka qayb qaadashada xaalad kasta oo taagan, Β waxaana uu ku amaanay dawladd Goboleedka Puntland iyo shacabkeeda shaqo wanaaga ay ku astaysan yihiin iyo caawinta midba midka kale ula heelan yahay.
