Madaxweynaha Somaliland Muuse Biixi Cabdi, oo ka hadlaayay kulan ay Ganacsatada Somaliland xalay ku uruuriyeen lacag gaareysa Siddeed Milyan oo Doollar ayaa wuxuu ugu mahadnaqay Madaxweyne Maxamed Cabdullaahi Farmaajo iyo Ra’iisul Wasaare Maxamed Xuseen Rooble , oo uu sheegay inay khadka taleefanka uga tacsiyadeeyeen dhibaatadii qabsatay Shacabka Somaliland oo hantidoodii ku waayey dabkii dhowaan qabsaday Suuqa ugu weyne magaalada Hargeysa ee Waheen.
Madaxweyne Biixi ayaa sidoo kale sheegay in Xukuumadda Federaalka ay Lacag usoo dirtay, wuxuuna uga mahad-celiyey dowladda iyo Shacabka Soomaaliyeed oo ay ugu horreeyaan Ganacsatada gurmadkii ay u sameeyee dadka walaalahood ah ee ku hanta beelay dabkii ka kacay Suuqa magaalada hargeeysa.
