Madaxweynaha dalka Kenya Uhuru Kenyatta ayaa maanta waraaqaha safiirnimo ka gudoomay safiirka cusub oo ay dowlada Soomaaliya u soo magacawday dalka Kenya Jamaal Maxamed Xasan.
Madaxweyne Uhuru ayaa maanta aqalka madaxtooyada Kenya ee Harambee House waraaqaha aqoonsiga ka gudoomay safiirkan cusub oo ay dowlada Soomaaliya soo magacawday mudo afar bilood ka hor ah.
Related posts
Safiirka cusub oo ay dowlada Soomaaliya u soo magacawday dalka Kenya Jamaal Maxamed Xasan oo xarunta safaarada Soomaaliya ee magaalada Nairobi shir jaraaβid ku qabtay uu madaxweyne Uhuru ka gudoomay waraaqihiisa aqoonsiga ayaa sheegay in uu si rasmi ah u bilaabi doono shaqadiisa.
Danjire Jamaal ayaa sheegay in uu sii amba qaadi qaadi doono shaqadii uu hayay safiirkii ka horeeyay,isagoo sheegay in sii wadi doono xiriirka diblomaasi iyo midka saaxiinbtinimo ee ka dhaxeeya dalalka Soomaaliya iyo Kenya.
Danjire Jamaal Maxamed Xasan ayaa u mahad celiyay shaqaalaha ka shaqeeya safaarada soomaaliya ay ku leedahay magaalada Nairobi,waxana uu ku booriyay in ay sii wadaan shaqada ay u hayeen ummadda Soomaaliyeed.
Danjire Jamaal ayaa sheegay in uu bilaabi doono u adeegidda ummadda Soomaaliyeed ee ku nool dalkani Kenya.
Danjiraha cusub oo ay dowlada Soomaaliya u soo magacwday dalka Kenya ayaa waxa uu ka mid ahaa tiro dajirayaal ah oo uu madaxweynaha Kenya Uhuru Kenyatta maanta ka gudoomay waraaqahooda safiirnimo.
Danjire Jamaal Maxamed Xasan ayaa bedelaya danjirihii hore ee dowlada Soomaaliya u fadhiyay dalkani Kenya Maxamed Cali Nuur Americo,kaasi oo mudo ku dhawaad 8-sano ahaa safiirka dowlada Soomaaliya u fadhiyay Kenya.
