Madaxweynaha jamhuuriyadda Soomaaliya mudane Xasan Sheekh Maxamuud oo shalay safar ku tagay degmada Afgooye ee gobolka Shabeelaha hoose ayaa ka hadlay qaabka ay u dagaalamaan maleeshiyaadka argagaxisada UGUS ee ku dhuumaaleysanaya qeybo ka mid ah gobolada dalka.
Madaxweyne Xasan oo shalay ka hor hadlay Odayaasha, Waxgaradka iyo Saraakiisha Ciidamada Qalabka Sida iyo Kuwa Amisom ee Ka Howlgala Gobolka Shabeelaha Hoose ayaa sheegay in ay awood yareeyeen argagaxisadii Soomaaliya ka dagaalameysay weerarada mararka qaar ay ku soo qaadayaan xarumaha ciidamada ay tahay maleeshiyaad yar oo isa soo uruursaday meel kastooy joogaan kaddibna si dhuumaaleysi ay ku joogaan meelaha ay isaga habar wacdeen, isagoo xusay madaxweynaha in arintaasi looga gudbi karo in shacabka iyo dowladda ay is kaashadaan si loo sii baabi’iyo xagjirka.
Madaxweynaha jamhuuriyada Federaalka Soomaaliya ayaa soo hadal qaaday heshiis kal hore la kala dhex dhigay beelo ku dagaalamay Sh hoose kaas oo uu sheegay in mas’uuliyada fulintiisa ay qaadayaan odayaasha labada beelood hadii uu guuleystana Al Shabab laga ciribtiri karo gobolkaas.
Madaxweynaha ayaa ku cel celiyay mar kale dhibaatada ay leeyihiin isbaarooyinka yaala wadooyinka Sh. Hoose, waxaana uu tilmaamay ninkii Dhigta isbaaro in uusan naga mid eheyn, Dowladuna ay ka soo saartay arrinkani go’aano cad, waxaana saraakiisha ciidamada uu ku amray in ay ka dhiidhiyaan isbaarooyinka Odayaasha shalay ay qeylo dhaanta ka muujiyeen, isagoo sharaakiishaasi maah maah eheyd askari Xun ma jiro ee Sarkaal xunaa jira.
