Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo Wafdi uu hogaaminayo oo xalay si diraan loogu soo dhaweeyay magaalada Addis Ababa ayaa ka qeyb galay munaasabad lagu weyneynayay 40 guuradii ka soo waregtay markii la bilaabay dhaq dhaqaaqa xoriyad-doonka dalka Ethiopia iyo markii ay talada dalkaasi la wareegeen sanadkii 1991-kii.
Afhayeenka Madaxtooyada Qaranka Daa’uud Aweys oo la hadlay Radio Muqdisho ayaa sheegay in xafladda ay sidoo kale ka qey galeen madax dhowr ah oo caalamka ka socday, waxaana uu intaa ku daray in Madaxweynuhu uu kulan gaar ah la qaatay Ra’iisul wasaaraha Ethiopia Hailemariam Desalegn oo ay ka wada hadleen arrimo badan oo xaaladda dalka ku saabsan.
Madaxweynaha iyo wafdigiisa ayaa la filayaa inay kulamo la qaataan Madaxda ka qeyb gashay xafladda, kuwaasi oo uu kula hadli doono horumarka uu dalka ku talaabsaday iyo sidii arrimahaasi dowladda looga taageeri lahaa.
