Madaxweynaha Jamhuuriyad Federaalka ah ee Soomaaliya Mudane Xasan Sheekh Maxamuud ayaa ka qeyb galay shir madaxeedka IGAD oo ka dhacay magaalada Adis Ababa ee Xarunta Wadanka Itoobiya.
Shirkaasi ayaa baaqa laga soo saaray waxaa ka mid ah in dowladaha caalamka ay xayiraada ka qaadaan Xawaaladaha Soomaalida sidoo kale in xooga la saaro sidii dib loo bilaabi lahaa xoolihii ay Soomaaliya u dhoofin jirtay wadamada carabta si looga qeyb qaato koboca dhaqaale ee wadanka Soomaaliya.
Sidoo kale waxaa amaan loo soo jeediyey hanaanka wanaagsan ee ay ku socdaan doorashooyinka ka socdo xarumaha maamul goboleedyada Dalka ka jiro , ayadoo loogu baaqay dowlada Soomaaliya in ay doorashada madaxtinimada ee dalka ay ku dhacdo waqtigii loogu talagalay.
Ugu dambeyn madaxweyne Xasan Sheekh Max’uud ayaa uga mahadceliyey madaxweyneyaasha IGAD dadaalka ay Soomaaliya ku taageerayaan, maadaama dalku uu horey u dhaqaaqay muddo dhowna Soomaaliya ay furi doonto waddo cusub oo dhanka nabadda iyo horumarka ah, isagoo Ballan qaaday in doorashada waqtigeeda ku dhici doonto, shacabka Soomaaliyeedna ay diyaar u yihiin wax wada qabsi muuqda.
