Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa tacsi u diray qoyska, ehellada, iyo guud ahaan shacabka Soomaaliyeed oo uu ka baxay Alle ha u naxariistee, Wasiirkii hore ee Waxbarashada Soomaaliya, Marxuum Cabdiraxmaan Cabdulle Shuuke.
Madaxweynaha ayaa yiri, โInnaa lillaahi Wa Innaa Ileyhi Raajicuun, Alle ha u naxariisto Wasiirkii hore ee Waxbarashada Soomaaliya Marxuum Cabdiraxmaan Cabdulle Shuuke, waxuu kaalin mug leh kasoo qaatay horumarinta waxbarashada dalka iyo dowlad-dhisidda.โ
Sidoo kale, Madaxweyne Xasan Sheekh ayaa Alle uga baryay Marxuumka in hoygiisa ka yeelo Jannatul Fardowsa, samir iyo iimaanna uu ka siiyo qoyskiisa, qaraabada, iyo shacabka Soomaaliyeed oo uu ka geeriyooday.
Waxaa Marxuumka lagu xasuustaa dadaalkiisa iyo hogaamintiisa dhinaca waxbarashada, taasoo door muhiim ah ka qaadatay horumarka dalka.
