MadaxweynahaΒ Jamhuuriyadda Federaalka Soomaaliya, Mudane Xasan Sheekh Maxamuud iyo wafdi u hoggaaminayo oo shalay gaaray magaalada Garoowe, ayaa la filayaa in uu maanta furo shir wada tashi ah oo loo qaban doono qaar badan oo ka mid ah maamul gobolleedyada dalka ka jira, si looga tashado midnimada Ummadda Soomaaliya.
Wariyaha Warbaahinta Qaranka ee Garoowe Cabdi Xasan Rooble ayaa soo sheegaya in galinka dambe ee maanta si rasmi ah uu shirka u furmayo kaddib markii ay soo dhamaystirmaan Ergooyin ka imaan doona Dowlad gobolleedyada dalka kajira qaarkood oo la sugayo.
Related posts
Dhanka kale wariyaha ayaa sheegaya in Madxweynaha Dowladda Federaalka Soomaaliya iyo Madaxweynaha maamulka Puntland ay socod Β Dheer ku mareen qaybo ka mid ah magaalada taas oo ah mid muujinaysa ammaanka magaalada Garoowe, sidoo kale Shacabka ku nool magaalada Garoowe ee Caasimadda Puntland Β ayaa aad ugu faraxsan in uu shirkaan ka furmo magaalada taas oo ay ku shegeen in ay tahay mid dib u soo celinaysa xiriirka Dowladda dhexe ee Federaalka iyo Dowladda gobolleedyada dalka kajira.
U jeedada Socdaalka Madaxweynaha ee magaalada Garoowe ayaa ah mid lagu Horumarinayo xiriirka Dowladda gobolleedyada iyo qorshe looga Arrinsanayo sidii Soomaaliya loo gaarsiin lahaa heer isku filnaasho ah.
