Madaxweynaha Jamhuuriyada Federaalka ah Ee Somalia Mudane Xasan Sheikh Maxamuud ayaa Galabta waxaa uu Kormeer ku tagay Hotelka SYL Ee Magaalada Muqdisho oo maanta ay kooxda Argagixisada ah Ee Al shabaab ay Albaabkiisa Hore kuq arxiyeen Gaari ay waxyabaha qarxa ka soo buuxiyeen waxaana uu madaxweynuhu halkaas kula kulmay Ciidamada amaanka oo Feejignaan dheeraad ah la galiyay.
Madaxweynaha ayaa waxaa uu kula kulmay Hotelka Saraakiisha Ciidamada amaanka iyo Safiirka Dowladda Turkiga u Fadhiya Soomaaliya isagoo kala hadlay Arimo ay ka mid yihiin Adkeynta amaanka iyo u diyaar garowga Imaanshaha Madaxweynaha Wadanka Turkiga Mudane Rajab Tayib Ordagaan.
Related posts
Mudane Xasan Sheikh Maxamuud ayaa Markii uu soo dhamaaday kulankii uu la qaatay Saraakiisha Ciidamada amaanka iyo Danjiraha Dowladda Turkiga Ee Somalia Waxaa uu qabtay Shir Jaraa,id oo uu uga hadlay waxyaabihii laga wada hadlay waxaana uu Madaxweynuhu sheegay in Weerar Fashilmay ay kooxda Naf la caariga ah Ee al shabaab ay soo qaaday maanta lana fashilyay isagoo intaa ku daray in isku dayadooda aysan Wax saameyn ah ku yeelan doonin amaanka caasimada oo ah mid wanaagsan.
Madaxweynaha ayaa waxaa uu bulshada Soomaaliyeed u sheegay in ay is dajiyaan isla markaana Kooxdaan nabaddiidka ah Meel uga soo wada jeestaan waxaana uu intaas raaciyay in Madaxweynaha Turkiga uu imaan doono Maalinta barito ah Magaalada Muqdisho Weerarkii Naf la cariga ahaana uusan wax saameyn ah ku yeelan doonin Socdaalkaas Madaxweynaha.
