Madaxweynihii hore ee dowladii KMG aheyd ee Soomaaliya mudane Sheekh Shariif Sheekh Axmed ayaa ka tacsiyeeyay geeridii ku timid Allaha u naxariistee Halgamaa C/qaadir Cali Boolaay oo ku geeriyooday dalka Ingiriiska.
Madaxweynaha ayaa shacabka Soomaaliyeed uga tacsiyeeyay geerida Halgamaa Boolaay isagoo sheegay in uu waqti ku bixiyay xorriyaddii Soomaaliya,wuxuuna Alle uga baryay inuu Jannatul firdowsa ku abaal mariyo.
“Waxaan guud ahaan umadda Soomaaliyeed uga tacsiyeynayaa geerida ku timid Halgame Cabdulqaadir Cali Maxamed Boolaay oo ku geeriyoodey magaalada London ee dalka Ingiriiska.Wuxuu ahaa halgamaa iyo taariikhyahan waqti ku bixiyay xorriyaddii Soomaaliya, samir iyo iimaan allaha naga siiyo, isagana janatul firdows allaha ku abaal mariyo”ayuu yiri Madaxweynihii hore Sheekh Shariif.
