Madaxweynaha Jamhuuriyadda Soomaaliya ayaa shacabka Soomaaliyeed ugu baaqay in ay iska kaashadaan dib u dhiska dalka isla markaana waqtigaan laga faa’iideysto si aanay markale inooga lumin fursadaha hadda la heysto.
Madaxweynaha jamhuuriyadda Federaalka Soomaaliya Mudane Xasan Sheekh Maxamuud ayaa bulshada Soomaaliyeed ee ku nool dalka ka codsaday in ay ka faa’iidaystaan fursada ay haystaan.
“Aan horay u soconno qofkasta fursadda uu haysto haka faa’iidaysto, is Riix,riix faa’iido Malaha Walaalow iyo walaaley ii Cun iyo ii Cab maahee wax kale mayaallo” Ayuu yiri Madaxweyne Xasan Sheekh Maxamuud”.
Madaxweynaha Jamhuuriyadda Soomaaliya Xasan Sheekh Maxamuud ayaa ku Boorriyay Guud ahaan dadka Soomaaliyeed in laga faa’iidaysto fursadaha hadda ay haystaan taas oo sahlaysa in horumarro ballaaran laga gaaro xasilinta dalka iyo Dowlad Wanaagga.
Ugu dambayntii Madaxweyne Xasan Sheekh Maxamuud ayaa sheegay in dowladda dhexe ay garab taagan tahay dhismaha Dowlad gobolleedyada dalka iyo kuwa hadda la dhisayo ee Hiiraan iyo Shabeellaha Dhexe.
