Waxaa magaalada Ankara ee dalka turkiga lagu qabtay bandhiga dhaqameedka hidaha iyo dhaqanka soomaaliyeed oo ay ku soo bandhigayeen Ururka ardayda waxkabarata magaalada Ankara ee dalka Turkiga.
Bandhig dhaqameedkaan ayaa laqabtaa sanadkiiba mar oo ay soo abaabuleen Ururka ardayda waxkabarata magaalada Ankara ee dalka Turkiga.
ayagoo kaashanaya Xafiiska deeqaha waxbarashada ee dalkan turkiga iyo Safaarada Somaaliya ee dalka turkiga, wuxuuna ahaa mid si heersare ah loo soo agaasimaya iyagoo soo bandhigay xiriirka walaltinimo ee Somaliya iyo Turkiga udhexeeya,booraar ay ku xardhanyihiin sawiro taariikhi ah , dhaantooyin ,hal ku dhigyo iyo farshaxano Kal duwan.
waxaana ka soo qeyb galay Bandhig dhaqameedkaan mas’uuliyiin ka socotay Safaradda somaliya ee dalka Turkiga iyo xafiiska deqaha waxbarashada ee dalka turkiga ,Ardayda waxkabarata Magaalada Ankara iyo bulsha soomaaliyeed ee ku nool magaalada anakra.
Intii uu socotay waxaa halkaas ka hadlay uqaabilsanaha Tacliinta iyo dhaqanka safaarada Somaliya ee dalka Turkiga Cabdulcasiis Sheikh Cabdiraxmaan oo si qoto dheer uga hadlay dhaqanka iyo saamaynta uu bulshada u leeyahay.
Gudoomiyaha ururka ardayda ee magaalada Ankara Bishaar Cabdi Maxamed Samadoon ayaa sheegay in hadii la dhumiyo dhaqankeena la dhuminayo mustaqbalkeena.
sidoo kale waxaa hadalo kooban ka jeediyay ku xigeenka madaxa xafiiska dheeqaha waxbarashada ee dalka turkiga mudane Xusen Gungo wuxuuna soo hadalqaaday xiririka soomaliya iyo turkiga meesha uu ka soo bilaawaday iyo haatan mesha uu marayo, kuna booriyay aradayda Soomaaliyeed ee waxkabarata dalkan turkiga in ay laba jibaaraan horumarkooda ayna noqdaan kuwo isku xira labada dal.
