Magaalada Dhuusamareeb ee Caasimada Galmudug oo uu ka socdo qaban qabaada qabsoomida horyaalka degmooyinka Galmudug oo lafilayo in Sanadkaan ay ka qeyb galaan ilaa 7-degmo oo Ciyaartooydooda soo gaareen Caasimada.
Waxaa maanta soo dhaweeyn loo sameeyay guddoomiye ku-xigeenka xiriirka kubbada cagta Soomaaliyeed, Mudane Cali Cabdi Maxamwd Cali oo ku biiraya wafdi isla xiriirka ka socda oo hore u soo gaarey Dhuusamareeb kuwaas oo haatan ku howlan tababarida Macalimiinta iyo garsoorayaasha qeybta ka noqonaya maamulida horyaalka Galmudug.
Mudane Maxamed Nuur Maxamed guddoomiyaha ururka Ciyaaraha Dhuusamareeb ayaa ugu horreyn soo dhaweeyay guddoomiye ku-xigeenka xiriirka kubbada cagta Soomaaliya.
Madane Xasan Axmed shire, guddoomiyaha xiriirka kubbada cagta Galmudug oo dhankiisa xusey howlaha looga fadhiyo Madaxda xiriirka kubbada Cagta Soomaaliyeed ayaa u mahadceliyay howlaha ilaa iyo haatan lagu guuleestay ee iskaashiga labada xiriir.
Ugu dambeyn guddoomiye ku-xigeenka xiriirka kubbada cagta Soomaaliyeed, Cali Cabdi Maxamed Cali shiine ayaa bahda sports-ka Galmudug kaga mahad celiyay soo dhaweyntooda. 
