Kumanaan dadweyne ayaa manta ka soo qeybgaley munaasabada salaada ciida barakeysan ee Carafo waxan siwadajir ah loogu tukadey garoonka kubada cagta ee STADIUM HUDDUR salaada kadib waxa khudbad halkaasi kajeediyey Imaamka weyn ee Imaam Sheekh Cali Sanbocor wuxuuna dadka ku booriyey in masaakiinta sadaqada ay siiyaan, in salaanta labadiyo in ammaankana si guud loogu shaqeeyo.
Guddoomiyaha degmada Xuddur Maxamed Macalin Axmed oo goobta ka hadlay ayaa sheegay in ciidaan ka farxad badantahay ciidihii ka horeeyey dhanka ka soo qeybgalka bulshada iyo furitaankii wadooyinka oo sababey in bulsho badan ay soo xaadiraan.
Related posts
Dadka ayaa u dareerey guryahooda si ay u gowracaan udxiyadii gudaha magaalada Xuddur waxa buux dhaafiyey carruur kuwaas oo ku cayaarayaa aqabkii loogu talagali ciida waxa kale oo la soo bandhigey ciyaarihii xidaha iyo dhaqanka oo mudooyinkii u dambeeyey la ilaawey taas oo xirtey wadooyinkii magaalada iyo isu socodkii gaadiidka.
Sidoo kale waxaa xusid mudan in magaalada Xudur maanta lagu gowracay ilaa 500 oo neef oo ari ah kuwaas oo ay soo dhiibtay dowladda Boqortooyada Sacuudi Carabiya waxaana loo qeybiyay dadka ku nool magaalada.
Wariyaha gobolka Bakool ee warbaahinta qaranka Maxamed Xasan C/raxmaan
