Munaasabad lagu abaalmarinayay ku dhawaad boqol Arday carruur Agoon ah oo isugu jira wiilal iyo Gabdho deeq lacagna lagu gudooonsiinayay carruurtaas oo ay iska kaashadeen Majmaca Culuma’udiinka Soomaaliyeed iyo Madarasada Abubakaru Sadiiq ee Magaalada Johannseburg ayaa lagu qabtay Xaafadda Soomaalida u badantahay ee Mayfair.
Munaasabadan oo ay kasoo qeybgaleen Culumada South Africa,Dakhaatiir iyo dad magac ku leh Wadankan ayaa waxa ay caruurta soo bandhigeen ducooyin,Anaashiid iyo Quraan kuwaa oo muujinayay heerkooda Waxbarasho.
Culimada hindida Koonfur Afrika ee iyagu taakulada agoonta ka qeyb qaadanayay, ayaa ammaanay sida ay Soomaalidu ugu illaaliyaan carruurtooda barashada diinta Islaamka, iyagoo kusii dhiirigaliyay inay lawadaagaan wallaalaha kale ee Muslimiinta ah ee ku nool dalkaani Koonfur Afrika.
Related posts
Guddoomiyaha Majmaca culimada Soomaaliyeed ee Koonfur Afrika Sheikh Aweys Xamsa oo ka warbixinayay munaasabadaan ay caruurta agoonta ah ku caawinayeen deeqda lacageed ayaa sheegay in majmacu uu howlo badan u qabto jaaliyadda Soomaaliyeed ee Koonfur Afrika howlahaasoo ay ka mid yihiin.
โAfurinta dadka masaakiinta ah, uqeybinta dhar dhaxameedka xiliyada qaboobaha iyo iida carafo oo ay bixiyaan xoolaha saddaqada ah ee laqalo waxey muujinaysaa sida walaalaha ay u jecelyihiin inay taakuuleyaan Agoontaโayuu yiri Aweys Xamza.
Madarasada Abubakaru Sadiiq oo ay dhigtaan caruur aad u badan ayaa waxy ka mid tahay Madarasooyinka qaaska ee ay Soomaalida leeyihiin waxaana wax ka barta caruur u badan Agoon oo qaarkood Abaayashooda lagu dilay Koonfur Afrika.
WD C/qaadir Axad,Johannseburg
