Hey’adda Nabad Sugidda iyo Sirdoonka Qaranka ayaa soo bandhigtay hub iyo rag ka tirsan kooxda Al-Shabaab, kaddib howlgal ay ka sameeyeen inta u dhexaysa gobollada Benaadir iyo Shabeelaha Hoose.
Ciidamada Nabad Sugidda iyo Sirdoonka Qaranka ayaa Howlgalladan waxa ay ka sameeyeen deegaannada Ceel Jaale iyo Saqiire oo ka tirsan gobolka Shabeelaha hoose, iyagoo gacanta ku dhigay sagaal maleeshiyaad iyo labo gaari oo nuuca raaxada ah, kuwaas oo dadka ay ku dhibaateyn jireen kooxda argagixisada Shabaab.
Afhayeenka Wasaaradda Amniga Qaranka Maxamed Yuusuf Cusmaan oo lahadlay Warbaahinta Qaranka ayaa sheegay in ciidamada Nabad Sugidda ay u suurto geshay in gacanta ay ku soo dhigaan maleeshiyaadkan oo dhibaato u geysan jiray Shacabka.
“Waxaa sii socon doona howlgallada ay sameynayaan ciidamada Nabad sugidda oo kaa shanaaya wargelin uga timaada shacabka ku nool deegaanada ay ku harsanyihiin Al-shabaab” ayuu yiri Afhayeenka.
