Taliyaha ciidanka xoooga dalka ee gobolka Bakool Kornayl Cabdiraxmaan Maxamed Tima Cadde oo lahadlay Radio Muqdisho ayaa sheegay in afar ka tirsan maleeshiyaadka Al-Shabaab ay isu soo dhiibeen ciidamada xoogga dalka ee ku sugan degmada Xudur ee gobolka Bakool, kuwaasi oo uu xusay inay gacanta ku hayaan.
Taliyaha ayaa tilmaamay in ciidamada xoogga dalka ay ka go’antahay inay sii wadaan howlgallada ka dhanka ah Al-Shabaab ee looga xoreynayo deegaannada ay kaga suganyihiin gobolka Bakool, ayna fursad siinayaan kuwa gartay inay isaga soo tegaan argagixisada Al-Shabaab ee daneynaya inay isu soo dhiibaan gacanta ciidamada dowladda.
“Ragga isa soo dhiibay waa afar, waxa ay inoo sheegeen inay ka soo dagaalameen Gobollada Banaadir iyo Bakool, waxayna diyaar u yihiin inay xogta argagixisada Al-Shabaab nala wadaagaan” ayuu yiri Taliyaha.
Halkan ka dhageyso Wareysiga oo ay ku jiraan kuwa isa soo dhiibay
