Maleeshiyaadka Shabaab ayaa la sheegay in dab qabadsiiyeen dhamaan guryihii ku yaalay tuulada Budbud ee gobolka Galgaduud.
Tuulada Budbud ayaa u dhaxeysa degmada Galcad iyo tuulada Wabxo oo ka wada tirsan gobolka Galgaduud.
Arintan ayaa timid kaddib markii ciidamada XDS iyo kuwa AMISOM ay isaga baxeen tuuladaasi iyagoo hore usii kaxeeyay dhamaan dadkii deganaa tuuladaasi, waxeyna gaarsiiyeen tuulada Moqokori oo ka tirsan gobolka Hiiraan
Maleeshiyaadka Shabaab ayaa galay tuuladaasi xilli ay ka barakaceen dhamaan dadkii rayidka ahaa ee deganaa tuuladaasi, waxeyna maleeshiyaadkaasi bilaabeen iney dab qabadsiiyaan dhamaan dhamaan guryihii ku yaalay tuulada Budbud.
Maleeshiyaadka Shabaab ayaa looga bartay in dadka rayidka ah ee an waxba galabsan ay kula kacaan falal ka baxsan bani’aaddanimada iyadoo tanina ay ka mid tahay dhibaatooyinka ay u geeystaan shacabka Soomaaliyeed ee abriyada ah.
Sawirro hore
