Munaasabadda xuska maalinta Caalamiga ah ee Cudurka Raabiyada ama qaniinyada aan dhammaan oo ay soo qaban qaabisay xarunta daweynta Cudurrada dhimirka ee Dr “XABEEB” ayaa waxaa ka qeyb galay abwaanno, dhaqaatiir,haween iyo qaar ka mid ah dadka dhimirka la’.
Munaasabadda ayaa lagu soo bandhigay waxyeelladda Cudurkan iyo saameynta gaar ahaaneed ee uu Soomaaliya ku leeyahay.
Dadkii kala duwanaa ee munaasabadda joogay ayaa ka hadlay dhibaatada Cudurkan uu bulshada ku hayo iyo sida looga hortagi karo.
Dr C/raxmaan Cali Cawaale “XABEEB” ayaa sheegay in dadka uu ku dhaco Cudurkaan uu ka duwan yahay dadka aan qabin.
Sahra Saalax Muxsin oo ka mid aheyd haweenkii Munaasabadda ka qeyb galay ayaa amaantay howsha Dr xabeeb uu dadka iyo dalkaba u hayo iyadoo kuu baaqday in la garab istaago dadka Nuuciisa ah.
Abwaan Maxamuud C/llaahi Ciise ‘’SANGUB’’ iyo Abwaan Maki Xaaji Banaadir ayaa ku ammaanay dadaalka uu ugu jiro daaweynta iyo daryeelka dadka dhimirka la’ Dr Cabdiraxmaan Cali Cawale “XABEEB”.
Cabdi Xaaaji Goobdoon oo ah qabiir saxaafadeed ayaa sheegay in mudadii dalka Uu bur-burka ka jiray Horumar ballaaran laga gaaray dhinacyada Caafimaadka.
Cudurka Raabiyda Ama Qaniinyada Aan Dhammaan ayaa waxaa looga dhawaaqay Magaaladda Atlanta ee dalka mareykanka 28,kii September 2007 ,waxaana ku Dhawaaqistiisa lagu beegay dhimashadii “LUIS VASTRA” oo ahaa ninkii keenay Talaalka Cudurkan.
Dhinaca kalana waa cudur dadka iyo xaywaannada ay isku gudbin karaan sidoo kalana laga hortagi karo sida ay dhaqaatiirta ay sheegeenna 10,kii qof waxaa Cudurkan qaba hal qof oo ka mid ah iyadoo Sannadkiiba ay u dhintaan illaa 55,000 Oo qof .
Sawir Qaade Cabdiwali
