Kooxda Man City rajada ay ka qabtay hanashada horyaalka England ayaa meesha kasii baxeyso kadib markii ay 0-0 la dhaafi waayeen naadiga Norwich City kulan ka tirsanaa EPL.
Macalin Manuel Pellegrini kooxdiisa waxay kalsooni ka qabeen inay Norwich ka talaabsan karaan balse kulankan garoonka Carrow Road labada dhinac waxay awoodi waayeen inay 90-daqiiqo gool iska dhaliyaan.
Kooxda Man City ayaa inta badan kulankan kubada heesatay sidoo kalena xidigaha City fursadihii ay heleen gaar ahaan Sergio Aguero isku dayadii uu sameeyay waxaa si geesinimo kaga bad baadiyay goolhaye John Ruddy.
Sidoo kale kooxda Norwich City ayaa dhankeeda ku sigatay inay sedex dhibcood oo qaali ah hesho madaama xidigeeda Patrick Bamford oo kulankiisii ugu horeeyay ebid EPL kasoo muuqday fursad qaali ah iska qasaariyay kubada qoriga goosha ku dhuftay.
Man City dhibicda ay heshay ayaa ka dhigan inay haatan leedahay 51-dhibcood sidoo kalena kaalinta 4-aad ku jirto balse waxay 9-dhibcood ka hooseysaa kooxda Leicester City oo EPL hogaamineyso.
Dhanka kooxda Norwich City iyadana dhibicda ay heshay ayaa ka dhigan inay haatan leedahay 25-dhibcood waxayna kaalinya 18-aad kaga jirtaa kala horeynta EPL.
