Kooxda Liverpool ayaa garoonkeeda Anfield 2-1 uga badisay kooxda Manchester City.
Kooxda Manchester City ayaaa iska qasaarisay fursad ay ugu dhawaan laheyd kooxda Chelsea oo hogaamineyso horyaalka ingiriiska ee Premier League-ga.
Kooxda Liverpool ayaa goolka la hor martay,waxaana daqiiqadii 11-aad ee ciyaarta u dhaliyay ciyaaryahan Jordan Henderson.
Ciyaaryahan Edin Dzeko ayaa daqiiqadii 26-aad ee ciyaarta goolka bareejada u dhaliyay kooxda Manchester City.
Ciyaaryahan Philippe Coutinho ayaa daqiiqadii 75-aad ee ciyaarta goolka guusha oo aad u qurux badnaa u dhaliyay kooxda Liverpool.
Kooxda Manchester City ayaa kala horeynta horyaalka ingiriiska uga jirto kaalinta labaad,waxana ay leedahay 55-dhibcood,halka kooxda Liverpool ay horyaalka ka soo gashay kaalinta shanaad,iyadoo leh 48-dhibcood.
