Xoghayaha arrimaha dibadda Maraykanka Antony Blinken, ayaa shaaca ka qaaday in dalkiisa uu Ukraine siin doona lacago gaaraya 1.3 bilyan oo doolar oo gargaar dheeri ah, si dlooga caawiyo dib u soo kabashada iyo dib u dhiska shabkada tamarta ee ku burburiyay dagaalka.
“Waxaan bixin doonaa Lacag dhan 1.3 bilyan oo Dollar oo dheeri ah, si aan ugu caawino Ukraine soo kabasha ilaha Tamarta,” Blinken, ayaa hadalkaasi ka sheegay shirkii dib u soo kabashada Ukraine ee ka dhacay London.
Xoghayaha arrimaha dibadda Maraykanka, oo hadal ka jeedinaya Shirka dib u dhiska dalka Ukrain oo muddo labo maalmood ah ka socon doona caasimadda Ingiriiska ee London, ayaa sheegay in loo baahan yahay in la xoojiyo awoodda Milatari ee Ukraine, si loo wajaho dagaalka uu ku soo qaaday Ruushka, taas oo uu sheegay inay waajib ku tahay dhamaan dalalka xulufada ee tageera Ukraine.
