Maraykanka ayaa sheegay in uu liiska argagixisada ku daray Hamza bin Laden oo ah wiil uu dhalay Osama bin Laden horjoogihii Al-qaacida oo hore Mareykanku ugu dilay dalka Pakistan.
Wasaaradda arrimaha dibadda ee Maraykanaka ayaa sheegtay in “Hamza bin Laden uu qayb ka yahay argagixisada.”
Tallaabadan waxay ka hor istaagi doontaa inuu ganacsi la sameeyo shirkadaha Maraykanka ama uu guri ku yeesho Maraykanka.
Ayman al-Zawahiri, oo ah dhakhtar indhaha oo aas-aasay kooxda Egyptian Islamic Jihad ayaa la wareegay hogaanka Alqacida tan iyo markii la dilay Usama Bin Laden.
2015-tii, al-Qaeda ayaa soo daysay cod uu duubay Hamza, oo ku baaqaya in taageerayaasha Kabul, Baghdad iyo Qaza ay weerar ku qaadaan, Washington, London, Paris iyo Tel Aviv.
