Diyaaradaha Dagaalka Mareykanka ayaa duqeeyay goobo ay ku sugnaayeen kooxda Argagixisada ah ee Alqaacidda ee Gacanka Carabta gobolka Buuraleyda Yaman.
Duqeyntaan ayaa sida la sheegay lagu dilay in kabadan Tobaneeyo ka tirsan kooxaha Argagixisada ah ee Alqaacidda. Afhayeenka Pentagon-ka Peter Cook ayaa sheegay in bartilmaameedka uu ahaa xeryaha tababarka Al-Qaacidda ay ku lahaayeen goobo ku dhow magaalada Mukalla.
Afhayeen Peter Cook ayaa sheegay in xirada tababarka ay ku sugnaayeen illaa 73 dagaallyahanno, weerarka ayaa dhacay Talaadadii shalay, Sanadkii la soo dhaafay ayaa duqeymo Mareykan ka fuliyay Yaman ku dilay hoggaamiyayaal ka tirsan Al-Qaacidada Yaman.
Tan iyo sanadkii 2015’kii Al-Qaacidada Yemen ayaa waxaa laga dilay xubno sar sare, sida Hogaamiyahooda Nasser Al-Wuhayshi, Harith Al-Nadhari iyo Afhayeenkooda Ibrahim al-rubaiysh.
