Howlgal khasaare uu ka soo gaaray maleeshiyada argagixisada Daacish ee ku dhex dhuumaaleysanaysa Puntland ayaa ka dhacay deegaanno ka tirsan Gobolka Bari,kaasi oo ay fuliyeen ciidamada Mareykanka oo kaashanaya Ciidammada Amniga dowladda Soomaaliya.
War ka soo baxay taliska ciidammada mareykanka ah ee jooga afrika ee Africom ayaa faah faahiyay duqeymahaasi,waxaana ay sheegeen in ay ku bartilmaameedsadeen goobo ay ku dhuumaaleysanayeen Daacishta ku jirta deegaanada Puntland.
Warbixin uu soo saaray taliska AFricom ayaa lagu sheegay in weerarkaasi circa ah lagu dilay ilaa 6 xubnood oo ka tirsan maleeshiyada Daacish,kuwaasi oo ku dhuumaaleysanaya buuraha Goolis ee Puntaland.
Mareykanka ayaa sheegay in uu diyaar u yahay in uu joogteeyo weeraradaasi,ilaa la soo afjaro kooxaha argagixisada ee ku sugan Soomaaliya.
