Taliska Ciidamada Militariga Mareykanka Africa ee Africom ayaa Warqad qoraal ah oo uu soo saarey ku sheegay in Ciidamada Mareykanka oo garab ka helaya Ciidamada Dowladda Federaalka Soomaaliya ay Duqeyn la beegsadeen Argagixisada Daacish,kuwaas oo ku dhuumaaleysanaya deegaano katirsan Puntland.
Saraakiisha Miliytariga Mareykanka ayaa xaqiijiyay sida ku cad qoraalkoda in duqeyntaasi lagu dilay horjooge katirsanaa Koxda Daacish ee bartilmaameedka uu ahaa.
Col. Cali Cabdi oo kamid ah saraakiisha ciidamada Puntland oo la hadlayay Wakaaladda Wararka Reuters ayaa faah faahiyay sida ay wax u dheceen iyo wixii ay halkaasi ku arkeen.
โWaxaa weerarka uu ka dhacay buuralayda ku dhow dhow degmada Qandala,waxaanu maqalnay guuxa hub culus,kooxihii way ka carareen halkaasi markii la duqeeyay,waxaan booqanay goobtii duqeyntaasi ka dhacday,waxaan halkaasi ku aragnay meydadka dad dhintayโ. Ayuu yiri Col Cali Cabdi.
Sidoo kale warka qoraalka ah ee Mareykanka ayaa lagu sheegay in Ciidamada Mareykanka ay sii wadi doonaan Duqeymaha ay ka fulinayaan gudaha Soomaaliya, waxaana sidoo kale Mareykanka uu sheegay inuu xoojinayo taageerada uu siiyo Ciidamada Dowladda iyo kuwa AMISOM ee dagaalka kula jira Alshabaab.
Talaabadani ayaa qeyb ka ah howlgalo ka dhan ah kooxhaha argagixisada eek u sugan Soomaaliya,Mareykanka ayaa sii kordhiyay todobaadyadii ugu dambeeyey weerarda xagga circa ah oo lala beegsanayo ALshabaab iyo Daacish.
