War-saxaafadeed ka soo baxay Safaaradda Mareykanka ee Ethiopia ayaa lagu sheegay in si tabarucaad ah loo qaadayo muwaadiniintooda iyo qaar ka mid ah shaqaalaha u shaqeeya ee ku sugan gudaha Ethiopia, maadaama ay sii adkaatay xaaladda Nabadgelyo ee dalka Ethiopia oo ay ka socdaan dagaalo adag,.Go’aanka deg deg ah ee lagu daad gureynayo muwaadiniinta Mareykanka ee ku sugan Ethiopia ayaa yimid Arbacadii aynu ka soo gudubnay kadib markii Safaaradda ay walaac xoogan ka muujisay dagaallada ka socda dalka Ethiopia oo ku sii baahiy magaalooyion badan dalka Ethiopia ka mid ah.
“Waaxda arrimaha dibadda ee Mareykanka waxay si mutadawacnimo ah u qaadeysaa shaqaalaha u shaqeeya Hay’adaha Mareynka iyo qoysaskooda in la geynayo dalka Mareykanka, maadaama ay xasilooni darro ka jirto Ethiopia, isla markaana laga cabsi qabo in xaaladda amaan ay sii xumaato”. Ayaa lagu yiri bayaanka ka soo baxay Safaaradda Mareykanka ee Ethiopia.
Talaadadii la soo dhaafayay ayay ahayd markii dowladda Ethiopia ay xaalad deg deg ah ku soo rogtay dalka.
