Isbaheysiga uu Mareykanka horkacayo ayaa sheegay in qalabeynta Malateriga wadanka Ciraaq ay ku bixiyeen lacag gaaraya 5 bilyan oo dollar ilaa iyo sannadkii 2014.
Afhayeen u hadlay isbaheysiga ayaa sheegay in todobaadkii hore ay ciidamada Ammmaanka ee Ciraaq ay ku bixiyeen 35 bilyan oo dollar.
Waxaana uu intaasi ku daray in lacagahaasi ay ku bixiyeen tababarida iyo qalabeynta Ciidamada Amniga Ciraaq si dib loogu soo celiyo ammaanka wadankaasi.
Wakaalada wararka Ciraaq ee INA oo soo xiganeysa warka ka soo baxay isbaheysiga uu hogaaminayo mareykanka ayaa sheegtay in waxyaabaha kale ee laga taageeray ciidamada Ciraaq in ay ka mid yihiin isgaarsiinta iyo waliba dhinaca sirdoonka.
Afhayeenka ayaa dhinaca kale sheegay in mareykanka uu sii wadi doono taageerada ay siyaan ciidamada Ciraaq iyadoo dalkaasi ay Askar ka joogaan Mareykanka.
Todobaadkii la soo dhaafay ayaa waxaa sarkaal ka tirsan Malateriga Ciraaq uu sheegay in isbaheysiga caalamiga ah uu ka taageeri doono dhinacyadda tababarada iyo qalabeynta ciidamada.
