Wasaaradda Gaashaandhiga Dowladda Maraykanka ayaa xaqiijisay in ay khaarijisay hor jooge ka tirsan Kooxda gumaadka umadda Soomaaliyeed ee UGUS oo lagu magacaabi jiray Adan Garar.
Aqalka Pentagonka Mareykanka ayaa sheegay in gantaal laga soo tuuray dayuuradaha aan cidna wadin ee droneska loo yaqaan lagu dilay hor joogahaasi oo Weerarkaasi Jimcihii la soo dhaafay ka dhacay meel u dhow degmada Baardheere ee gobolka Gedo.
Horjooge Aadan Garar ayaa la ku lug lahaa weerarkii lagu qaaday xarunta laga tukaameysto ee West Gate ee magaalada Nairobi sanadkii 2013,
Dowladda Maraykanka ayaa sheegtay in horjoogahaasi la diley uu muhiim u ahaa Kooxda UGUS iyadoo uu u qaabilsanaa isku xirka howlgalada ay dalalka dibada ka sameeyaan kooxdaasi gabalkoodu uu sii dhacay.
Qoraal ka soo baxay wasaarada gaashaandhigga Maraykanka ayaa lagu sheegay in dilka Garaar uu dharbaaxo xoog leh uu ku yahay Kooxda Gumaadka Gumaadka Soomaaliyeed ee UGUS.
Kooxda Gumaadka Soomaaliyeed ee UGUS ayaa waxa ay wajaheysaa guul darooyin waaweyn iyo jab xoog leh oo kaga imaanayaa ciidamada qalabka sida ee Soomaaliya iyo kuwa midowga Africa Amisom, iyadoo lagu jabiyay weeraradii is xig xigey oo ay ciidamada ku qaadeen kooxdaasi isku biirsatay leynta iyo dabargoynta Soomaaliyeed, waxaana dilka horjoogahaasi uu ka dhiganyahay baaba’a maleeshiyaadka UGUS.
