Xukuuamadda Washington ayaa Jimcihii shalay sheegtay inay cuna-qabateyn ku soo rogtay seddex qof iyo seddex shirkadood oo lagu eedeynayo inay taageeraan kooxda ISIS,waxaana ku jira muwaadininiin Soomaaliyeed.
War ay soo saartay Dowladda Mareykanka ayaa ku sheegtay in Shirkadahan iyo dadkaan oo ka soo kala jeeda dalalka Soomaaliya, Filibbiin iyo Turkey,lagu eedeyay in uu xiriir ganacsi dhex maray kooxda iyo iyaga.
Iyadoo taasi laga duulayo ayaa Dowladda Mareykanka xannibaad dhaqaale ku soo rogtey, Maxamed Mire Cali Yuusuf, iyo shirkadihiisa Liibaan Trading iyo Al Mutafaq Commercial Company, sababo la xiriira in ay taageeraan argagixisada Daacish.
Waaxda lacagaha Mareykanka, ayaa war ay soo saartay ku sheegtay inay cuna-qabateyn ku soo rogtay Abdulpatta Escalon Abubakar, oo lagu eedeyay inuu dhaqaale iyo agabba ugu deeqay kooxda ISIS ee dalka Filibbiin.
Sidoo kale Waxa cuna-qabateyn lagu soo rogey Yunus Emre Sakarya iyo shirkaddiisa Profesyoneller Elektronik ee fadhigeedu yahay Turkiga, kaas oo lagu eedeyay in uu qeybo ka mid ah diyaradaha iswada uu u fududeeyay ISIS.
Maxamed Mire Cali Yuusuf oo ah muwaadin Soomalaiyeed oo qeyb ka ah dadkaasi la soo eedeeyey ayaa iska fogeeyey eedeymahaasi,isagoo xusay in uu diyaar u yahay waxkasta oo baaritaan ah,si loo ogaado xaqiiqda jirta.
