Sanad walba xilligan oo kale waxaa magaalada Columbus Ohio ee dalkan Mareykanka lagu qabtaa xaflad loogu tala galay ardayda dhammaysatay dugsiyada Sare iyo kulliyadaha kala geddisan ee gobolka Ohio.
Xafladdan oo ay qeybaha bulashada, madaxda gobolka iyo ardayda intuba ka soo qeybgaleen waxaa soo abaabulay isla markaana soo waday mudo 9 sano ah Hayโada SomaliCAN, oo ah hayโad u adeegta bulshada, waxaana laf dhabar u ah Prof. Jibril Mohamed iyo Wasiirkii hore ee waxbarashada Soomaaliya Dr. Abdinur Sh. Mohamed.
Intii ay socotay xafladan dhiirigalinta ah waxaa ka hadlay mas,uuliyiin, waalidiin, Macallimiin, Aqoonyahanno, culumo, iyo dad waxbadan ku soo jiray waxbarashada kuwaas oo ardayda Soomaaliyeed ku dhiirri-galinayay in ay sii laba jibbaaraan dadaalkooda isla markaana ay gaaraan yoolka noloshooda oo ku xiran ka mira dhalinta dadaalka ay soo billaabeen.
Waxaa goobta ka hadlay ย qaar ka mid ah madaxda dowladda gobolka Ohio, iyo madax ka socotay ย heer qaran ย Waxana markii ay tilmaamayeen Ahmiyadda Aqoonta ay muujiyeen in aqoonta lagu gaaro himilo walba oo aad ku taamayso.
Doorka waliidiinta Soomaaliyeed ayaa lagu tilmaamay mid aan qarsoomi karin iyada oo loo mahad celiyay waalid walba oo ubadkiisa gaarsiiyay meel uu ka sii soconkaro.Waxaana Hadiyado muhiim ah la guddoonsiiyay walidiinta ardaydoodu dhammaysatay waxbarashada.
Dhallinyarada Soomaaliyeed ee ka soo qeyb gasha xafladan sanad walba la qabto ย waxa ay ka helaan deeqo waxbarasho iyo dhiiranaan ay ku sii wataan waxbarashadooda. Deeqaha waxbarasho waxaa gacan weyn ka geysta qareennada Flickinger Legal Group oo muddo dheer la shaqaynayay bulshada Soomaaliyeed.
Taageerada iyo deeqaha waxbarasho ee ardaydan la siiyay waxaa gacan ka geystan meherado Soomaaliyeed iyo kuwo Soomaalida la shaqeeya oo ay ka mid yihiin:
Flickinger Legal Group, Fifth Third Bank, Focus, FCCS, CareSource, Columbus CRC, OSU AAAS, the Buckeye Ranch, Zenith Academy, OSU Social Work, Denison University, Hiiraan Online, Midnimo Middle, Columbus Zoo, United Way, MAS, Twinkle Star, Enhanced, Khadra, Soofe, Abdinur, SomaliCAN, SSA, OSU Somali Studies Program.
Barnaamijka qalinjebinta iyo deeqaha waxbarashada Ohio ayaa loogu talagalay in lagu muujiyo dedaalka dheeriga ah ee ardayda iyo waaliddiinta Soomaaliyeed ka sameeyaan dhanka waxbarashada.
Xafladda qalinv jebinta ayaa ku soo dhammaatay farxad iyo rayrayn iyada oo waaliddiinta iyo madaxda bulshadu hambalyo iyo bogaadin u jeediyeen ardayda ku guulaysatay deeqaha waxbarasho iyo dhammaan ardayda ka baxday dugsiyada sare iyo jaamacadaha Ohio sannadkan 2017
ย Deeqo SONNA
