Munaasabadan xariga ay uga jareysay Marwada Madaxweynaha dalka Marwo Qamar Cali Cumar xaruntii Hanuuninta dadweynaha ee Hobolada Qaranka ay ku diyaarin jireen barnaamijyada wacyi gelinta bulshada oo mudo bur bursaneyd ayaa waxa goob joog ahaa Wasiirka Wasaaradda Warfaafinta, ย Xildhibaanno ka tirsan baarlamaanka Soomaaliya, qeybaha bulshada, iyadoo fanaaninta Qaranka ay munaasabada ku soo bandhigeen heeso wadani iyo amaan iskugu jirey
Marwada Madaxweynaha Soomaaliya Marwo Qamar Cali Cumar oo uu wehliyo Wasiirka Warfaafinta dhaqanka iyo dalxiiska mudane Maxamed Cabdi Xayir Maareeye, ayaa kor meertay qeybaha xaruntaan ka koobantahey, iyadoo Injineerkii dhismahaan fuliyey ka dhageysatay qaabka dhismaha xarunta saldhiga u noqon doonta hobolada Qaranka Waabari.
Related posts
Abwaan Cabdi dhuux Yuusuf Xasan oo ah Mareeyaha tiyaatarka Qaranka oo ugu horeyn munaasabada ka hadlay ayaa sharaxey ahmiyada xaruntani hobalada Qaranka iyo bulshada Soomaaliyeed u leedahey oo uu tilmaamay in lagu diyaarin jiray barnaamijyo wacyi gelin ah.
Xildhibaan Khadiijo Maxamed Diiriye iyo Xildhibaan Cabdi Xaashi ayaa dhankooda si wada jir ah Marwada Madxweynah Dalka kuย bogaadiyey dadaallada ay ku dayactirtay xarunta bulshada lagu wacyi galin doono.
Wasiirka Warfaafinta mudane Maxamed Cabdi Xayir Maareeye ayaa shegey mudo dheer kadib Hobolada Waabari iney maanta heleen goob ay isugu yimadaan.
Ugu danbeyn Marwada ย Madaxweynaha dalka Marwo Qamar Cali Cumar ayaa tilmaamtay in arintaan ay dhiira gelin u tahay fanaaniinta Soomaaliyeed oo door weyn ku leh wacyi galinta Bulshada.
Sawir Qaade:- Farxaan Suleymaan Daahir
