Marwada madaxweynaha Jamhuuriyadda Federaalka Soomaaliya, ayaa booqasho ku tagtay Isbitaalka ex-Digtfeer oo ay ku jiraan qaar ka mid ah dhaawacyada dadkii ku soo waxyeelloobay qarixii 20-ki bishan ka dhacay Hotel Central ee magaalada Muqdisho.
Marwada madaxweynaha Soomaaliya, Marwo Sahra Cumar Xasan, ayaa booqatay qeybaha ay jiifaan dadka dhaawacyada qaba, si ay ula wadaagto dhibaada ay u geysteen kooxaha arxanlaawayaasha ah ee Al-Shabaab, iyadoo xog wareysi la sameystay qaar ka mid ah ehellada dadka dhaawacmay oo ay ALLE uga bariday caafimaad inuu siiyo.
Marwada madaxwyenaha Soomaaliya Sahra Cumar Xasan ayaa booqashadeya Isbitaalka Cilmi-baarista ee Rajap kaddib la hadashay warbaahinta Qaranka oo tiri โwaxaan tacsi u dirayaa dhammaan dadka Soomaaliyeed iyo si gaar ah ehellada dadkoodii ay ku dhinteen Qaraxii argagixiso ee Jimcihii ka dhacay Hotelka Central, kuwa dhaawacmayna ALLE ayaan caafimaad deg deg ah uga baryayaa, waxaana ugu baqayaa shacabka Soomaaliyeed in ay is caawiyaan, gacmahana ay is qabsadaan si ay cadowga meel uga soo wada jeystaanโ.
Sidoo kale Marwada Madaxweynaha, ayaa sheegtay in dadka dhaawacyadooda ay daran yihiin oo dalka gudahiisa wax looga qaban waayo lagu dadaali doono sidii loogu heli lahaa caafimaad dibedda ah.
