Marwada Madaxweynaha ayaa maanta booqatay xarun lagu xanaaneeyo caruurta oo ku taala degmada C/casiis ee gobolka Banaadir.
Booqashada Marwada Madaxweynaha Jamhuuriyadda Soomaaliya oo qayb ka ahayd in ay u kuur gasho Xaaladda Nololeed, tan waxbarasho iyo mid Caafimaad ee la xiriirta Caruurta Ku xareeysan Xarunta Daryeelka Caruurta ee Maama Sahra Charity ee Degmada C/casiis.
Xarunta oo ka kooban Fasalo Waxbarasho iyo kuwo hooy u ah in ka badan 150 caruurta Soomaaliyeed kuwaasi oo darbi jiif ahaa islamarkaana isticmaalayay Koolada iyo noocyada daroogada, kahor inta aysan Ciidamada Booliiska Soomaaliyeed kasoo aruurin qaar kamid ah Degmooyinka Gobolka Banaadir.
Mubaarak Sheekh Ibraahim oo ka mid ah maamulka Xarunta Daryeelka Caruurta ee Maama Sahra Charity ee Degmada Cabdul Casiis ayaa waxa uu ku ammaanay Marwada Madaxweynaha waxqabadkii iyo sida ay isaga xil saartay ka warqabka xaaladooda gaar ahaan caruurta.
Mubaarak ayaa sidoo kale waxa uu ka warbixiyay isbedelka ku dhacay Caruurta kadib markii lasoo aruuriyay.
Marwada Madaxweynaha Maama Sahro Cumar Max’ed ayaa ugu mahadcelisay dadkii Soomaaliyeed ee Gacan ka geeystay Dhismaha Xaruntan oo lagu daryeelo caruurta darbi Jiifka.
