Deeqda ay maanta ku wareejisay gudiga badbaadinta iyo samatabixinta qaxootiga Soomaaliyeed ee ku nool dhibaateysan dalka Yemen marwada koowaad ee madaxweynaha Jamhuuriyadda marwo Qamar Cali Cumar ayaa waxaa ay tahay mid nuucyo kala duwan isugu jirta waxaana ay hseegtay marwadu in ay ugu talo gashay in ay uga qayb qaadato caawinta mawaadiniinta Soomaaliyeed ee dhibtu ku haysato dalkaasi Yemen oo dagaalo ay ka socdaan.
Gargaarkaan waxaa uu isugu jiraa kaluun gasacadeysan oo kartoomo ku jira,roodhi,iyo liima dhanaan loogu talo galay in dadka loo qaso ,waxaa kaloo jira iyana dad Soomaaliyeed oo is xilqamay oo deeq nuucyo badan isugu jirta gudoonsiiyay gudiga.
Marwo Batuulo Sheikh Axmed Gabale oo ka hadashay goobta deeqda ay ku wareejisay marwada madaxweynaha dalka ayaa waxaa ay sheegtay in wax ku dayasho mudan ay sameysay marwada waxaana ay ka codsatay bulshada Soomaaliyeed meel walba in ay noqdaan kuwo ka qayb qaata caawinta walaalaha Soomaaliyeed ee Yemen oo dagaalo ka socdaan ku dhibaateysan.
Marwo Caasho Shaacuur oo iyana ka mid ah xubnaha gudiga gurmadka ayaa waxaa ay ka hadashay deeqdaan marwada madaxweynuhu soo gaarsiisay iyo sidoo kale mida dadka kale soo gaarsiiyeen intaba waxaana ay balan qaaday in deeqdaas ay u gaarsiin doonaa dadkii loogu talo galay sida loogu idmaday.
Marwada madaxweynaha dalka Qamar Cali Cumar oo gaba gabadii ka hadashay goobta ayaa waxaa ay sheegtay in ujeedkeedu yahay in wax wanaagsan ay hormuud u noqoto oo ay ku daysadaan bulshada Soomaaliyeed waxaana ay codsatay in laga wada qayb qaato u gurmashada walaalaha dhibaatadu ku haysato dalka Yemen.
“anigu halkaan uma soo istaagin TVga halagaa arko waxaan u so istaagay naftayda iyo nafafka ummadda Soomaaliyeed in aan ku baraarujiyo in ay wax taraan dadka Soomaaliyeed ee maantaqaxootiga ah iyagoo horay uga cararay dagaalo iyo colaad hadana maanta mar kale ka soo cararaya colaada in wax loo qabto in aan dadka ku baraarujiyo oo aan tusoo u muujiyoo u bilaabo ama aan howshii socotay dhinaceyga ka galaan ugu talo galay”ayay tiri marwada.
