Marwada Madaxweynaha Soomaaliya Marwo Sahro Cumar Xasan ayaa maanta Deeq iskugu jirta macaawino gaarsiisay Ciidankii Soomaaliyeed ee ku naafoobay Difaacidda Qarankeena Soomaaliya oo muddo ku dhibaataysanaa Gudaha Magaaladan Muqdisho.
Marwada ayaa sidoo kale Daah furtay Hoy loo dayactiray oo ku yaala isla agaagaarka Isbitaal Martiino halkaas oo Ciidanku ku ku noolaan doonaan iyadoo dib u habeynta Xaruntaas ay gacan ka gaysatay Hay’ad ka shaqaysa Magaalada Muqdisho.
Qaar kamid ah Ciidanka naafada ah ee halkaas ku sugnaa oo warbaahinta la hadlay ayaa aad ugu amaanay ugana mahad celiyay sida mar walbo Maamo Sahra Cumar Xasan Marwada Madaxweynaha Jamhuuriyadda Federaalka ah ee Soomaaliya u soo xasuusato Ciidankan iyadoo dhowr jeer deeq nuucan oo kale ah u gaysay Ciidanka ku waxyeeloobay difaacidda Dalkeena awgeed.
Marwo Sahra Cumar Xasan oo iyadana halkaas ka hadashay ayaa sheegtay in ay jeclaan lahayd in ay Ciidankan u gayso wax ka badan inta maanta loo keenay iyada oo sidoo kalena ugu baaqday qof walbaa ama Hay’ad walba oo awooda in ay Ciidanka gacan siiya in si deg deg ah ula soo gaaraan.
Ciidamada ku naafoobay Dagaaladii todobaatameeyadii ayaa waxa ay ku dhibaataysan yihiin oo ay xarun ka dhigteen Isbitaalkii Martiini oo ku yaala Degmada Xamar wayne ee Magaalada Muqdisho
