Marwada Koobaad ee dalka Marwo Qamar Cali Cumar ayaa maanta hoygeeda ku qaabishay marwada koobaad ee wadanka Turkey Emine Erdoğan iyagoo kulan dheer yeeshay islamarkaana ka hadlay xaaladda ay ku suganyihiin caruurta iyo haweenka Soomaaliyeed.
Marwo Qamar Cali Cumar ayaa Emine Erdoğan waxa ay u bandhigtay Video soconaya dhowr daqiiqo kaasoo ka turjumaya dhibaatooyinka haweenka Soomaaliyeed iyo dadka tabaaleysan heysta kuwaasoo aan xusuusanahay sida ay caawimaada joogtada ah ula garab taagantahay marwada koobaad ee madaxweynaha Qamar Cali Cumar.
Emine Erdoğan oo ah xaaska madaxweynaha dalka Turkey Raccep Tayyip Erdogan ayaa ku amaantay marwo Qamar dareenka iyo dhaq dhaqaaqa ay ka muujisay dhanka bani’aadanimada iyadoo ballan ku qaaday inay ku garab taagantahay caawimaada ay u fidineyso dadka Soomaaliyeed gaar ahaan dadka jilicsan ee ay ugu horeeyaan Dumarka,Caruurta,Waayeelka,iyo naafada.
