Waxaa manata magaalada Hargeysa lagu aasay Allaha u naxariistee Fanaankii Qaranka Soomaaliyeed Marxuum Maxamed Axmed Kuluc oo shalay ku geeriyooday magaalada Hargeysa, iyadoo qaar ka mid ah fanaaniinta caanka ahayd ay ka hadleen taariikh nololeedkii faneed ee Marxuumka iyo doorkii uu ku lahaa halgankii xoriyada dalka.
Duugta fanaanka waxaa ka qeyb galay mas’uuliyiin ka tirsan Maamulka Somaliland iyo dadweyne aad u fara badan oo ka kala yimid gobolada dalka iyo dibadiisa, iyadoo lagu aasay qabuuro ku yaalla bariga magaalada Hargeysa.
Abwaan Maxamed Suleymaan Bidde, Seynab Xaaji Cali Baxsan, Qadro Daahir Cige, Cabdi dhuux Yuusuf iyo kuwa kale ayaa ka hadlay Marxuumka, iyagoo Alle uga baryay in uu janada ka waraabiyo.
