Daabulka iyo ka ganacsiga dadka waa ficil si sharci darro ah loogu kaxeeyo dadka dal aan dalkooda aheyn iyadoo ujeedada laga leeyahay waxa ay tahay in si qasab ah looga faa’ideysto duruufaha heysta, oo ay kamid tahay baahi iyo shaqo la’aan, inkastoo dadkaas qaarkood la afduubto waxaana marka la kaxeeyo qaarkood laga ganacsadaa jirkooda, iyadoo la gato xubnaha ugu muhiimsan, kuwa waa lagu lagu shaqeystaa kuwa waa la adoonsadaa , Iyo qaar kalena In siqasab ah looga faa’ideysto qaab galmo ah.
Dadka ugu badan ee laga ganacsado ama la daabulo waa carruurta yaryar ee da’da hanaqaadka ah, kuwaasoo lagu siro duruufaha kugadaaman, iyadoo loo marayo hab lagu soo dabo, ama lagu soo jiidanayo sida in la siiyo lacago badan, ama loo sheego in la geynayo wadamada dibada ah halkaasoo ugu dambeyn lagu iibsado.
Meelaha ugu badan ee carruurta lagasoo dabo waa jaamacadaha, iskuulada, xaafadaha dhexdooda iyo meelaha ay dadku isugu yimaadaan, waxaana jira kooxo shabakado ah oo isku xiran kuwaasoo usoo dira dhalinyarada dad u shaqeeya si ay usoo kaxeeyaan.
Dad badan oo la kulmay falkan haseyeeshee kabadbaaday ayaa noo sheegay in arrintan ay tahay wax aad u xun oo lagu waxyeeleynayo dadkaSoomaaliyeed gaar ahaana dhalinyarada hadda soo koreysa.
Hadaba maanta oo ah 28ka bisha july waxaa Aduunka laga xusayaa maalinta caalamiga ah ee ka hortagga daabulka iyo ka ganacsiga dadka, waxaana la islasoo qaadayaa sida ugu haboon ee xal loogu heli lahaa arintan,
Dowlada Federaalka ee soomaaliya ayaa wadda dadaallo ballaaran oo looga hortagayo falalka daabulka ah dadka looga ganacsanayo waxaana ereyga gaar ah ee xuquuqda carruurta iyo tahriibayaasha ee xafiiska Ra’iisal wasaaraha Ambassador Maryan Yaasiin ay wada dadaal ay ku dardargalineyso qorshe ku aadan sidii sharciga loola tiigsan lahaa kooxaha faraha kula jira falalkan, iyadoo wadda wacyigalin la xiriirta sidii dadka loo fahamsiin lahaa dhibaatada iyo saameynta lagala kulmo daabulka,
““waxaan dadaal wayn ugu jirnaa sidii looga hortagi lagaa daabulka iyo ka ganacsiga dadka, ma ahan wax aan aqbali karno in dadkeena la daabulo oo laa ganacsado, waa in gacan bir aan kuqabanaa kooxaha caadeystan falkan” ayey tiri Maryan yaasiin.
Dowlado Badan oo dhibaata kuqaba dalalka daabulka iyo ganacsiga dadka ayaa wali la tacaalaya sidii looga hortagi lahaa daabulka looguna sameyn sameyn qorshe siyaasadeed oo lagula tacaalayo.
