Dhawaan dawladda Kenya waxa ay ku soo rogtay dadka ay visaha siin jirtay marka ay yimaadaan garoomada dalkeeda (visa on arrival), in aanay dalkaas u soo safri karin ilaa ay ONLINE ku dalbadaan visaha ama dal-kugal-ka dalkaas.
Arinkan oo saamaynaya Soomaalida sidata baasaboorrada ay ka midka yihiin Yurub, USA, Ethiopia iyo Djibouti, ayaa dad badan ku noqday culays maadaama dawladda Kenya soo rogtay in lacagta Visaha lagu bixiyo oo keliya Kararka lacag-bixinta sida MasterCard oo kale, kaas oo dad badan aanay ku haysan gudaha dalka.
Hase yeeshee, Bankiga Premier oo ah bankigii ugu horreeyay ee taariikhda Soomaaliya keenay adeegga kaararka ayaa ku dhawaaqay in macaamiisha bankiga ee haysata kaararka ay visaha Kenya iyo dalal kale ay ku dalban karaan online sida lagu sheegay war qoraal ah oo la siiyay warbaahinta lana xiriira arinkan.
Arinkan ayaa dad badani soo dhaweeyeen, iyada oo qaar ka mid ah macaamiisha Premier Bank ay horay kaaraka bankiga ugu iibsadeen alaabo kala duwan iyaga oo maraya habka online-ka.
โVisaha iyo tigidhkaygaba waxaan ka apply gareeyay online aniga oo adeegsanaya MasterCard-ka Premeir Bankโ Sidaas waxaa yiri A. Abdi Rage oo ka mid ah macaamiisha bankiga Premier ee ka faaโiideystay adeeggan wax ka iibsiga online-ka.
Waa markii ugu horreysay ee taariikhda Soomaaliya ay dad ku sugan gudaha dalku wax kaga iibsadaan online kaararkooda bankiyada.
Bankga Premier oo dhawaan xarigga laga jaray ayaa Soomaaliya ku soo kordhiyay adeegga MasterCard oo macaamiishu ay lacag kagala bixi karaan ATM kasta oo leh summadda MasterCard adduunka oo idil, ayna wax kaga iibsan karaan mashiinnada loo yaqaan POS-ka adduunka oo idil iyo sidoo kale online-ka.
Premier Bank waxa uu sidoo kale u suurogeliyay Soomaalida ka imanaysa dalka dibeddiisa ee wadata MasterCard in ay lacag kala bixi karaan ATM-yada Premier ee yaal dalka gudihiisa.
