Wasiir-xigeenka howla guuud ee maamul Goboleedka Puntland oo ay waheliyaan Maamulka gobalka Mudug iyo saraakiil kale ayaa maanta si wadajir ah u kormeeray Xabsiga magaalada Gaalkacyo ee dhanka Puntland.
Mas’uuliyiinta ayaa markii ay gaareen xabsiga waxa ay halkaasi kula kulmeen saraakiisha ciidanka asluubta, kuwaasi oo ka dhageystay warbixinno ku aadan xaaladda caafimaad ee maxaabiista xabsiga ku jirta iyo arrimo kale
Taliyaha ciidanka Asluubta ee Puntland Aadan Nuur oo lahadlay wafdiga ayaa sheegay inay dib u habeyn ku sameeyen xabsiga, isla markaana ay gudaha xabsiga ka hirgeliyeen beero ay tabceen ciidanka iyo maxaabiista xabsiga ku jira.
Mas’uuliyiinta Gobolka mudug oo goobta ka hadlay ayaa sheegay in ay aad ugu faraxsanyihiin sida ay isugu tashadeen saraakiisha sar sare ee Xabsiga oo ay ka faa’iideysteen baaqii ahaa “Ha la isu tashado”
Wasiir-xigeenka howla guuud ee maamul Goboleedka Puntland Cabdiraxmaan Yuusuf ayaa tilmaamay in kan maamul ahaan ay ilgaar ah ku eegayaan askarta iyo maxaabiista xabsiga ku xiran.
“Ciidamada oo inta mushaarkooda iska jaray ay dib u habeyn ku sameeyaan xabsiga, tani waxa ay muujineysaa sida aan doonayno in aan isku tashano, waxaana xusid mudan in halkaan laga sameeyo beero oo ay si wada jir ah u tabcayaan ciidamada Asluubta iyo maxaabiista” ayuu yiri Cabdiraxmaan.
